بين الحب والخذلان: آمال البنات برجل الآحلام.. ممكن تكون أوهام؟

لما البنت تقرر ترتبط برجل، ما بتكون بس عم تختار شريك… هي عنجد عم تحط كل آمالها وأحلامها بمستقبل واحد، وبتشوف فيه السند، القوة، والكتف اللي بترتاح عليه وقت الدنيا بتقسوا.
بتحلم إنو يكون حدا يشجعها، يرفعها لفوق، يذكرها بقيمتها كل ما ضعفت.

بس الصدمة… لما تكتشف إنو هاد الرجل بيحكي أكتر ما بيفعل.
بيهتم كيف الناس بتشوفو أكتر ما بيهتم فيها، بيتفنن يبين إنو “المثالي” قدام العالم، بس معاها؟ بينسى إنو وجودو المفروض يكون أمان، مو عبء.

والموجع أكتر… إنو بدل ما يكون سند إلها، بيصير أول واحد يحطمها.
بتوقع بمشكلة؟ بدل ما يوقف حدها، بيلومها.
بتفرح بإنجاز؟ بيسخفو وبيقلل من قيمتو.
كل كلمة منه بتاكل شوي من ثقتها بنفسها، بتخليها تشك بحالها، بقدرتها، بجدارتها.

وبين هالخذلان والواقع المؤلم… بتلاقي حالها بين طريقين:

• قلبها اللي بعدو متمسك فيه.
• ونفسها اللي عم تضيع شوي شوي كل يوم.

“أنتِ عم تخسري حالك، شخصيتك، ثقتك بنفسك… وكل يوم عم تذوبي أكتر.”

هون السؤال الحقيقي: لشو بتحبي حدا إذا كان حبّو عم يكسرك بدل ما يبنيكي؟

الحب مو وعود وكلام فاضي، ولا صورة حلوة قدام الناس.
الحب سند… كلمة بتوقفك ع رجليك، إيد بتنمدلك وقت بتوقعي، صوت بيقلك “أنا معك” بدل ما يحبطك.

✦ إذا علاقتك عم تسرقك من حالك، إذا عم تلاقي حالك عم تبكي أكتر ما عم تضحكي… فإنتي مو بحب، إنتي باستنزاف.
ولا تنسي: اختيار نفسك مو أنانية… هو شجاعة.

🔑 العبرة: إذا كانت العلاقة عم تسرقك من نفسك، فإنتِ مو بخانة الحب… إنتِ بخانة التهميش. والفرق كبير.

---

📌 النصيحة: الحب الحقيقي بيكبرك، مو بيصغرك. بيخليكي تحبي حالك أكتر، مو تكرهي حالك. وإذا لقيتي حالك محتارة… اسألي قلبك: “أنا معو صرت أقوى، ولا أضعف؟

كما ويمكنك أيضاً قراءة مدونتنا والمزيد عن :

• صراع التوقعات بين الرجل والمرأة في الحب والزواج
• كيف يُكمل الرجل والمرأة بعضهما؟
• المرأة تسمع بقلبها والرجل بعقله
• الشفاء من الصدمة
• تشافي الطفل الداخلي: لاستعادة التوازن والنمو الشخصي
• الطفل الداخلي: فهم أعمق لشخصيتنا
• السلام النفسي والنضج العاطفي
• لغة الصمت ،حين نصمت، تتكلم أرواحنا
• المهارات السبع لترويض النفس البشرية
• القلب يخزن الذكريات والمشاعر
• أثر الحب على الصحة
• قوة الحب وتأثيره على طول العمر
• شاهد جمال الطبيعة وألذ الوصفات