الأمثال الشعبية هي عبارة عن قصص ومواقف حدثت بالزمن الماضي وأسخلصوا منها العبر والمواعظ ، وبدأو يخبرو بها الناس بطريقة لطيفة وفكاهية .
وفي هذا الصدد جهزنا لكم بعضاً من الأقوال والأمثال الشعبية القديمة
متمحورة عن ما قالته جدتي سابقاً و بالعامية قالت ستي ..
قالت ستي أمثال شعبية سورية :
- وقت الكباب سكروا الباب ، و وقت المجدرة نادو للمعترة .
- إبن آدم نصو خلقة ونصو خرقة ، ويلي ما بتزينوا عروقه ما بتزينوا خروقه .
- البخيل متل الكديش ، بيحمل دهب وبياكل حشيش.
- خدي الفهيم الفارس ، ولا تاخدي البهيم الدارس .
- خايف هزك يا غربالي ، يوقع منك كل عزيز وغالي .
- العشرة يلي هانت ياريتا ما كانت
- اللي بيعاتب الرخيص بيرخص😏.
- اللي بقلبي علساني واللي مو عاجبو ينساني .
- الأصيل أصيل ولو حظو على قدو وأبن النعمة مبين ولو الزمن هدو.
- مو كل ورد خلق للشم ولا كل البشر بتنفدى بالدم.
- قالتلا ياجارة سكبيلي ردتلا بكفوفي ولا بصحونك الي ع رفوفي😏.
- لا تضرب وتغمق الجرح ،مابعد العداوة إلا الصلح .
- نامو عندي ليلة فكرو حالهم من العيلة .
- النضيفة بنت الأصل بتخلي كوخها قصر .
- النذل يلي متعود على الوخامة ما بتناسبو بنت الشرف والشهامة.
- الله يخلينا بعقولنا ،لوقت نصل لقبورنا.
- لما الكلب يشوف اللحمة مابقا يعبي عينه الخبز والملح.
- صاحبي مين ترد غيبتك ولا تصاحبي مين تجيب سيرتك.
أمثال شعبية سورية مرحة :
- يلي بيفشخ أكبر من فشختو بيقع وبتنفك رقبتو😂😂.
- حسدونا على ضحكتنا حتى إجت الأيام وأخدتنا😢.
- حملي عصاية السيلفي ودوريا وكل ما بتطبخي طبخة صوريا.
- خليكي عند أهلك عزيزة وشبعي دلال ..صح كتار الشوراب بس قليلين الرجال😎.
- قبل ماتركبي لأذنك حلق روحي ركبي لتمك غلق.
- ماصفي حدا صالح كل الناس مصالح😉.
- من لحمك ودمك باعوك لا تلوم يلي مبارح عرفوك.
- مو كل يلي بيحكي فهيم ولا كل يلي بيسكت بهيم😂.
- دروس الحياة مو ببلاش دافعين تمنها من عمرنا كاش.
- قلت لحظي رايحة لعند أهلي قلي روحي وأنا لاحقك على مهلي😂.
- كله ماشي بألف وش والقلوب مليانه غش.
- الله يكفينا شر من رحب فينا وهلا ..ومن ورانا حكى علينا وما خلا😏.
- لاتحكي عن زوجك لصاحبتك يا بتحسدك يا بتاخدو وبتقهرك.
- اشكي لربك ونام ولا تشكي لبني آدم وتنهان.
- الدنيا بالضيق بتورجيك مين ببيعك ومين بيشتريك.
- يلي بيجي لعنا أهلا وسهلا والقلب إلو هزاز ، ويلي ما بيجي لعنا لا أهلا وسهلا ولا القلب إلو معتاز .
- زيوان البلد ولا حنطة الجلب .
- بعد ما أكل و إتكى قلها يا مرى قلا يا مرا طبخك مالو زكى
أمتع الأمثال الشعبية :
- حسدوها على جوزا وعلى ذوقه قالتلن ريتو ملح وكل الناس تدوقه .
- الغربة متل الحمام العمومي … الي برا حيموت ليدخل، والي جوا موطايق الريحة .
- شيل الريحانة وشمها وخود البنت على ريحة أمها.
- يلي ألو غايب بضل قلبو دايب.
- الست مالها غير صحتها لارجال بيشفع ولا أولاد بتنفع .
- المرة اعدى عداها سلفتا وكنتا وبيت حماها .
- عيوبي لا اراها وعيوب الناس اركد وراها .
- بحطوا أبنهم على الحيطان وبقولوا هاد من عمل الشيطان .
- ما غاظتني الكاملة المكملة ، لتغيظني الناقصة المقملة .
- اتفقت الصرماية والقبقاب ، وصاروا عند العتبة أصحاب .
- أبو البنات نام متعشي وشبعان و أبو الصبيان نام مقهور وجوعان .
- لما طول دنبه قل أدبه .
- الجارة لما تغار من جارتها بتطق و بتفقع مرارتها .
- تجوزنا لننستر سقالله أيام الفضيحة .
- الشرشوح شرشوح لو علقوه على الإسطوح .
- قالولوا الله بيلعن يلي بسب الناس قلن : الله بيلعن يلي بخلي الناس تسبه .
- منعيب والعيب فينا وبنازع والروح فينا .
- راكبين جمل وحاملين علم وقايلين ماحدا شايفنا .
المزيد من الأمثال الشعبية :
- متل القطاط بتاكل وبتنكر .
- من إيمتى كنا والشمس ترقعنا .
- كل ما الخبر فتح اذانه رجفت سيقانه .
- بعد ما أكل وتملى قال الأكل مو مقلى .
- الحكي معك متل شرب الدخان لا بأوله بسم الله ولا بأخرو الحمدالله .
- الطول هالله هالله والعقل يفتح الله .
- متل عروسة الزط عالحيطان بتنط .
- جاور المقمل بيعديك بيشيل اللي فيو وبحطو فيك .
- كوم فيران ولا هالجيران .
- عدي رجالك عدي من الأقرع للمصدي .
- يلي بدق الباب بيسمع الجواب .
- الحيط الواطي الكل بنط عليه .
- كوم حجار ولا هالجار .
- كل شعرة و إلها مقص .
- اللي ما بيسأل عليك ما تكتر عليه ملامة اذا اجاك قلو مرحبا واذا راح مع السلامة .
- الضيف الأكابر بياكل وبغادر .
- الضيف الشرشوح بياكل وبروح .
- ضيف عنتاب من السفرة للباب .
